Lorna
Nakatayo ako sa harapan ng saradong double wooden door ng San Ildefonso church habang hawak ang bouquet ng mga bulaklak sa dalawa kong kamay.
Ngayon araw ang magiging pangalawang kasal namin ni Mykolas. Hindi naman ako kinakabahan kahit na alam kong maraming tao ang nasa loob ng simbahang ito sa mga sandaling ito.
"Marry me again," pahayag niya, isang araw habang pinapadede ko si Lukas.
Nasa sala kaming lahat. Wala siyang trabaho at wala ring pasok ang panganay naming anak.
"Mykolas, ilang buwan pa lang ang lumilipas noong ikinasal tayo," turan ko habang kunot ang noo ko na nakatingin sa kanya.
Nakaupo ito sa kabilang bahagi ng couch.
"Yes, but that was a beach wedding," aniya. "I want us to have our church wedding this time where half of the people of San Ildefonso could be
