Gabi na nang magising ako. Mabuti nalang at ginising ako ni Amber dahil may mga gagawin pa akong schoolwork. Agad kong binuksan ang phone ko pero wala pa rin update si Damon doon. Naiintindihan ko naman dahil kauuwi lang ng Mommy niya at sigurado akong nasabik din sila sa isa't-isa.
"Astrid confronted me. Tinatanong kung kayo raw ba ni Damon!" Umirap si Amber habang kumakain.
Napainom ako ng tubig. Alam kong darating ang araw na magtatanong ang mga naging babae ni Damon kaya naman hinahanda ko ang sarili ko.
"Anong sinagot mo?" Tanong ko sa kaniya.
Humalakhak si Amber at alam ko ang ibig sabihin ng tawa na 'yon. Sigurado akong gumawa na naman siya ng mas lalong ikaiinis ni Astrid.
"Ang sagot ko. 'Kung sila man ano naman sayo?' Ganyan ang sinabi ko!" Muli siyang tumawa ng malakas bago
