TATLONG araw lamang ibinurol ang mga labí ni Mercedes at agad din itong nailibing. Nag-iisa na lang si Margareta sa bahay nila. Sa halip na ikulong ang sarili sa kalungkutan ay nagpapakaabala siya sa trabaho habang inaasikaso ang Gardening shop nila. Nakiusap siya kay Gng. Josefa na tuwing Lunis hanggang Biyernes lamang siya papasok sa hotel. Hindi naman niya puwedeng ibenta ang shop dahil iyon na lamang ang alaala ng mga magulang niya. Pinayagan naman siya ni Gng. Josefa sa hiling niya.
Dalawang linggo na ring hindi nagpaparamdam sa kanya si Zardum. Nababahala siya na baka pinarusahan na ng hari ng diablo si Zardum. Nasasanay na siya na palaging nagpaparamdam sa kanya ang butihing diablo kaya ganoon na lang ang pag-aalala niya rito. Ngunit umaasa pa rin siya na anumang oras ay magpapara
