RAMDAM pa rin ni Zandro ang kirot sa p*********i niya. Nanggagalaiti siya. Akala niya'y matatapos na ang problema niya kay Margareta, pero lalo lamang pala siyang mapapalapit sa tukso. Hindi niya maintindihan bakit nagkaganoon. Lalo siyang naiinis nang matuklasan na ang Mommy niya ang nag-alok ng trabaho kay Margareta. Iginigiit pa rin niya na sinadya ni Margareta na tanggapin ang trabaho para magkaroon pa rin ito ng pagkakataon na makita siya.
Pagbalik niya sa hotel room na inuukupa niya ay nagulat siya nang madatnan doon ang Mommy niya. Nakaluklok ito sa couch. Kanina pa siya nito gustong kausapin pero panay ang iwas niya. Tumayo ito at sinalubong siya.
"Aalis daw kayo ni Renn. Saan kayo pupunta?" bungad ni Josefa.
"Yes. Magbabakasyon muna kami sa Maynila ng isang buwan," tugon niya.
