Hindi na nagawa pa niya na naibalik kay Mother Superior ang cellphone nito. Basta na lamang niyang inilapag sa mesa ang cellphone tsaka mabilis siyang tumakbo palabas ng opisina ng butihing Madre. Nagulat pa nga ito nang makita siya dahil papasok na rin ito ng opisina.
Maraming mga bata ang naglalaro sa labas at maging sa loob ay marami din kaya minabuti niya na magtungo sa likod nang simbahan na karatig din nila umakyat sa bakod sa pagitan niyon at doon siya umiyak ng umiyak. Kaya naman pala hindi na tinupad ni Cedrick ang pangako sa kanya dahil ikakasal na pala ito at ang mas masaklap pa ay sa bestfriend niyang si Janna Mae. Walang kaalam-alam ang kanyang bestfriend na ang magiging asawa nito ay ang ama naman ang kanyang ipinagbubuntis. Hindi niya alam ang kwento pero sobra-sobra siyan
