Kabanata XXIX
Jake…
Napalunok si Savvy nang magkatitigan sila ni Jake. Akbay nito ang babaeng mistisa, maikli ang palda, mamahalin ang sukbit na bag at suot na sapatos. Napakahaba ng buhok nito at sobrang ganda. Sobrang ganda nito kumpara sa kanya.
“I better ride on your car, babe. I don’t want to drive,” anang babae na nakayakap sa baywang ng lalaki.
Tulala pa rin iyon sa kanya hanggang sa ngitian niya. Daig pa kasi ni Jake ang nakakita ng multo.
“Good evening po, Mayor,” magalang na bati niya roon, na hindi pa rin nagawang ngumiti.
“Do you know her, babe?” tanong ng babae na may kasamang haplos sa tyan ni Jake.
Siya lang naman ang babaeng sabi ay nililigawan pero may girlfriend pala na ubod ng ganda. Kung sinagot niya pala si Jake ay katawa-tawa lang siya dahil sa itsura pa
