NANG mailagay lahat sa tray ang pagkain na dadalhin sa silid ni Kirst ay binuhat na niya iyon at dinala sa silid ng nobyo na hanggang nang mga sandaling iyon ay tulog pa rin.
Sinadya ni Nastya na maagang gumising para maipaghanda si Kirst ng almusal. Breakfast in bed.
Hindi niya isinara ang pinto kaya medyo sinipa niya iyon para lalong bumukas at nang makadaan siya nang maayos. Napangiti siya nang makita na tulog pa rin si Kirst. Maingat muna niyang inilapag sa ibabaw ng lamesa na malapit sa may bintana ang dalang tray na may laman na pagkain. Binalikan niya sa kusina ang kaniyang gatas at mango juice naman para kay Kirst.
Nang mailapag din iyon sa may lamesa ay saka naman niya nilapitan si Kirst. Nang umakyat siya sa kama ay lumundo pa iyon. Naupo siya sa tabi ni Kirst. Pinaulanan pa n
