NANATILI sa kinatatayuan niya si Nastya habang pinagmamasdan buhat sa hindi kalayuan sa may pool area ang mag-aama na masayang nagkukulitan sa may b****a ng swimming pool kung saan naroon ang pinaka pambatang pool. Hanggang dibdib ng mga bata ang naturang taas ng tubig sa area na iyon. At sa dulo-dulo pang banda ay ang palalim ng parte kung saan matatanda ang puwedeng maglangoy.
Buhay na buhay ang tawa ng mga anak niya na kay sarap sa pandinig.
Nakasuot siya nang mga sandaling iyon ng one-piece swimsuit na kulay itim. Pinatungan niya ng pang-ibabang short. Bigla ay na-conscious siyang magbilad ng katawan sa harapan ni Kirst kaya medyo natagalan siya sa pagpili ng maisusuot. Kahit sabihin pa na nakita na naman nito ang lahat sa kaniya.
Sandali rin niyang pinagmasdan si Kirst na hantad na
