PAGKABUHOL ni Nastya sa tali sa suot niyang roba ay naglakad siya palapit sa inihahandang lamesa ng mga kawaksi kung saan kanina kumain ng agahan ang mga bata.
“Ma’am Nastya, dito na po namin ihahanda ang inyong tanghalian,” ani Nana Gina. May edad na rin ito ngunit malakas pa rin ang pangangatawan. Doon na rin ito tumanda sa paninilbihan sa kanilang pamilya.
Kung doon na sila kakain ng tanghalian nina Kirst, hindi nila makakasabay ang mga magulang nila.
“Sina Papa at Mama po, Nana Gina…”
“Naku, nasa ilog sila. Nagpahatid doon ng pananghalian si Gov. Ipinasundo rin ang iyong ina at ang bisita ninyo papunta roon. Utos ni Sir Primo na dito na kayo dalhan ng pagkain tutal hindi pa rin tapos magsipagligo ang mga bata. Sila na lang nina Ma’am Pamela ang kakain sa dining room.”
Kung ganoon
