"Aba! Parang may mali sa narinig ko, ah," reklamo ni Collin, at sabay tingin sa bata.
"Bakit, Tito Collin?" Nakangiting pang-aasar ng bata.
"Bakit, Tito? 'Di ba ako ang Daddy Collin mo?" Pagwawasto niya.
"Eh… may totoong Daddy na ako, eh!" tugon ng bata na parang naguguluhan sa dalawang Daddy.
"It's okay, baby. You can call him Daddy Collin," turan ni Tom sa anak.
"Okay po, Daddy."
Maganda ang tagpo ng mag-ama at masaya si Jester, dahil maging buo na ang pamilya niya. Dumiretso sila sa condo, dahil napagkasunduan nila ni Jester na doon na lang si Tom mag-stay.
"Lola… Lola, nandito na po si Mommy, at kasama si Daddy," masayang sigaw nito.
Lumabas naman ang matanda na mula sa kusina at sumalubong naman ang dalawang apong babae upang magbigay galang sa Lola nila. Sumunod rin ang
