LORABEL
Umaga na ako nagising dahil napuyat ako magdamag. Hindi kasi agad ako nakatulog ulit matapos kong magising kaninang madaling araw dahil hindi ako komportable na katabing matulog si Uncle Zarex.
Hindi ko nga nabilang kung ilang ulit akong napalunok habang napakabilis ng pintig ng aking puso dahil ramdam ko ang init ng kaniyang katawan habang magkatabi kami at nakayakap siya sa akin dahil nanginginig raw ako.
Mukhang masama talaga ang panahon ngayon at tuluyang nag-landfall ang bagyo dito sa Maynila dahil napakalakas ng buhos ng ulan, ganoon din ang tunog ng kulog na siyang gumising sa akin.
Ilang ulit muna akong kumurap bago nagpasyang alisin ang nakayakap na braso ni Uncle Zarex sa bewang ko. Tulog pa siya at mahimbing pa rin ang tulog sa tabi ko.
Alas singko pa lang pala ng
