Halos nabunutan siya ng tinik nang mairaos ang kasal ng kuya Samuel at ni Jackie. Kahit butas ang bulsa dahil binili niya ang pinangako kay Marian ay okay lang. Medyo nagtampo lamang ang mama niya dahil wala raw siya doon at kahit siya man lang daw. Sabi pa ay baka hindi na rin dumalo ang kuya niya sa engagement niya dahil sa ginawang pang-iindiyan. Mas lalo naman siyang napangiti sa sinabing iyon ng ina. Well, mas pabor kasi iyon sa kaniya.
"Hoy babae, anong ginagawa mo?" Gagad ni Marian nang makitang nakasampak siya sabay hithit buga sa hangin na nakapikit pa ang mata niya.
Nang hindi siya sumagot ay naisipan pa nitong nababaliw na siya.
"Bakz, ano na? Dapat eh nasa saloon ka na—ilang hours na lang engagement party mo na!" Yugyog na nito.
