HINDI ako makapaniwala nang marinig ang paliwanag sa akin ng pulis kung bakit nakalaya si Nerd. Wala raw kasi itong kasalanan dahil binagbintangan ko lang, at may evidence raw itong pinakita sa kanila. Kaya kung tutuusin ay ako raw ang may kasalanan at dapat na kasuhan. Nang tanungin ko kung anong klaseng evidence, ang sagot sa akin ay video, at ang video na ’yon ay itinali ko si Nerd at pilit na hinalikan.
Nagulat ako sa narinig nang sabihin ’yon ng pulis, ibig sabihin ay may hidden cam sa kuwarto ni Nerd. At kung meron man, siguradong nalaman din niya na may nilagay akong hidden camera sa kaniyang kuwarto.
Parang bigla akong kinabahan at nataranta.
Nang i-check ko muli ang hidden camera na nilagay ko sa kaniyang kuwarto ay ayaw na nitong gumana, hindi ko na ma-access pa. Doon ko napag
