Inabot nito sa kaniya ang bag niya at mabilis niya iyong niyakap. Pinagmasdan siya ng lalaki habang yakap niya nang mahigpit ang kaniyang bag. Kagaya niya ay kinausap din ito ng mga pulis. Napag-alaman niyang naabutan nito ang magnanakaw nang aksidenteng mabangga ito ng isang taxi na nakasalubong nito. Nagkasuntukan pa ang dalawa bago dumating ang mga pulis at tuluyan itong nahuli.
"M-maraming salamat," aniya habang nakasunod sa likuran ng lalaking nagligtas sa kaniya.
Huminto ito sa harap ng salaming pinto ng coffee shop na pagmamay-ari nito at tila naiinis na nilingon siya. Nawala ang ngiti sa mga labi niya nang masalubong ang mga mata nito. Hindi ito kumibo. Sa halip, binuksan nito ang coffee shop at pumasok sa loob. Pumasok na rin ang tatlong lalaki na nagtatrabaho sa shop nito. Kara
