ALAS-SIETE pa lamang ng umaga ay magkasalubong na ang mga kilay ni Malina habang kausap sa selpon ang kaibigan niyang putak nang putak tungkol sa boyfriend nitong naabutan nitong may ka-s*x na iba sa isang hotel. Bumuntong-hininga siya at inabutan ng isang daang piso ang driver ng taxing sinakyan niya bago tuluyang umibis ng sasakyan.
Mas lalong kumunot ang noo niya nang makitang nakasarado pa rin ang paborito niyang tambayan na isang coffee shop, ang C.L.F coffee shop. Muli siyang nagbuga ng malalim na hangin bago humawak sa kaliwang baywang at umiirap na ibinaling sa ibang direksiyon ang mukha.
"Sinabi ko naman kasi sa iyo! Once a cheater, always a cheater! Unang beses pa lang na makita ko ang mukha niyang boyfriend mo, alam ko nang wala iyang gagawing maganda!" litanya niya at umiling
