Isang kuwintas na may malaking diyamante na hugis-bilog sa gitna ang bumungad sa kaniya. May maliliit ding diyamante sa lubid ng kuwintas. Napangiti siya nang kunin ito mula sa kahon. Bawat tama ng ilaw rito mula sa kanilang silid ay siyang pagkislap naman ng mga diyamante.
Mababakas sa mukha niya ang matinding kasiyahan habang nakatitig sa kuwintas. Halos magningning ang mga mata niya nang muling balingan ng tingin ang asawa. Tumayo siya at agad na yumakap dito.
"Thank you, honey! Wow! You surprised me!" bakas sa boses niya ang excitement na nararamdaman. Panigurado kasing hindi bababa sa isang milyon ang halaga ng kuwintas na iyon. "Lagi mo na lang akong ini-spoil, hon."
Kumalas siya sa kanilang yakap at tinungo ang malaking vanity mirror sa tabi ng malaking kabinet sa harap ng kama n
