Nangunot ang noo niya nang mapagsino ang nasa mga larawan. Bakit tila nakasubaybay si Direck kay Taka. Mula sanggol, bata, nagdalaga at hanggang dalaga na ito ay may larawan sila nito. Mas lalo tuloy siyang naintrigang makita o makilala ang bagong kasamahan. 'Sino ka, Taka sa buhay ng mag-amang Villareal?' aniya sa isipan habang matiim na nakatitig sa mukha nito.
May kirot sa dibdib sa ideyang pumapasok sa isipan. 'Huwag mong sabihing nagseselos ka?' ani ng kabilang isipan. 'Hindi, ah,' mabilis namang salag ng kabila.
Mabilis ibinalik ang mga larawan saka nagmamadali na siyang bumalik sa silid nila. Baka magising pa si Manang Bening at hanapin pa siya nito.
Palabas na siya nang biglang may humarang sa kanya, nabigla siya nang mapagsino ang lalaking nakaharang. Sa kabiglaan ay hindi niy
