Kabanata 21
“Sir, nai-forward ko na po sa HR Department ang final plan para sa company outing,” sambit ko kay uncle pagkapasok na pagkapasok ko ng opisina. “Ire-release na po nila ang memo mamayang hapon,” dagdag ko pa bago ako dumiretso sa desk ko.
Tanging pagtango lang ang naisagot niya sa akin dahil tutok na tutok siya sa screen ng laptop niya. Marami kasi siyang kailangang tapusin para hindi magsabay-sabay ang mga gawain pagkatapos ng company outing. Isa rin sa naging rason kung bakit siya natambakan ng trabaho ay dahil inuna niyang gawin ang outline ng company outing. Personal niya itong ginawa dahil gusto niyang mag-enjoy ang lahat ng empleyado ng kompanya. Sabi pa nga niya, bawat empleyado ng kompanya niya ay may parte sa paglago ng kompanya.
Binuksan ko na ang computer ko at ina
