Matapos namin kumain ng fishball ay hindi na kami nag-atubili n magtungo sa tinuro ng tindero at may mga kabahayan nga doon. Sana pala ay kapag pupunta kami dito ay hindi kami naka-uniporme dahil pinagtitinginan kami ng mga tao at may ilang tambay pa ang nagtakbuhan ng makita kami.
Napangiti na lang si Spiel ng makita ang eksenang iyon. Kinuha niya ang isang papel sa kanyang bulsa at lumapit sa isang matanda na nakatingin sa amin.
"Manong, kilala niyo po ba si Yannie Austria?" tanong ni Spiel at sinubo ng matanda ang hawak niyang yosi sa bibig niya at tinitigan ang papel na hawak ni Spiel.
"Ah, ayan. Nandoon sa sugalan!" sabi ng lalaki at tinuro kung saan ang sinasabi niyang lugar. Nagpasalamat na kami ni Spiel sa kanya at naglakad patungo sa sinasabi niyang bahay. Nang makarating ka
