ILANG beses sinubukan kausapin ni Matteo si Roseanne. Subalit ni isang salita ay wala siyang narinig. Hindi na rin nagpupumilit na lumabas ng silid nila. Sa gabi sa sofa ito natutulog at kahit binubuhat niya para ilipat sa kama hindi pa rin siya kinakausap.
Inalis na rin ni Matteo ang lock ng pinto at hinayaan si Roseanne makababa upang kumain. Dahil ang mga pagkaing dala ng mga kasambahay ay hindi nito kinakain.
Araw-araw ganito sila at hindi na kaya ni Matteo ang mga nangyayari sa kanilang dalawa. Ang mga anak nila ay miss na miss niya. Sigurado siyang nasa baluarte Del Fierro ang triplets.
Nakausap na rin niya ang kapatid na si Mattias at payag ito na puntahan nila ang mga bata. Pero handa ba siyang makipag p*****n sa mga Del Fierro? Kilala kung gaano katapang ang mga iyon sa lugar n
