NAGMULA sa basement parking ay umakyat si Roseanne sa ground floor at tinungo ang library. Naabutan niya doon si Matteo. Nakatayo ito at nakaharap sa labas ng bintana. Nakapasok ang dalawang kamay sa bulsa ng pantalon nito.
“Saan mo dinala ang mga bata?” tanong nito habang nananatili sa pwesto.
“Bakit ko sasabihin sayo?”
“Alam mo ang pwedeng mangyari kapag hindi mo ibinalik dito ang mga bata.”
“Baka nakakalimutan mo, hindi tayo legal na mag-asawa? Kaya wala kang karapatan sa mga anak ko. At kung ayaw mong maniwala tawagan mo ang tiyuhin mong abogado. Itanong mo sa kanya kung ano ang karapatan mo sa mga bata.”
“Anak ko rin ang mga yon, kaya huwag mo akong daanin sa batas!”
“Hindi lahat ng naisin mo ay iyong magagawa. At hindi lahat ng gusto mo ay iyong makukuha.”
“Oh, talaga?”
“Oo,
