INABUTAN namin nakayuko si Nat, malalim ang iniisip nito siguro dahil sa nangyari.
“Nat, kahit paulit-ulit kang magsisi sa ginawa mo hindi na maibabalik, nangyari na ang lahat.” pagkatapos malakas na tapik sa balikat ng pinsan ang ginawa ni Cyn.
“Ano ba ang nangyari bakit naisipan mo iyon? Alam ko nagplano kayo na gantihan ang ginawa nila kay Roseanne. Pero bakit sa ganitong paraan, Nat?” salubong ang kilay na tanong ng pinsang si Deo.
“Hindi ko alam na siya ang babaeng nasa silid na yon.” pangangatwiran ni Nat.
“Paanong hindi? Kayong dalawa ang laman ng s*x scandal na yon! Tapos ngayon kumalat ang video ganyan ang sasabihin mo?”
“I swear, hindi ko alam na si Misha Mae Montemayor ang babaeng naroon sa madilim na silid. Kung alam kong siya yon sa akala nyo ba papayag ako na magkaroon k
