ARAW ng hearing at kinakabahan si Janeth. Maaga pa lang nakabihis na siya.
“Bakit hindi ka mapalagay kinakabahan ka ba?”
“Opo, Manang Lourdes, ngayon ko lang ito mararanasan. Baka po mamaya mali mali ang sagot ko at maging sanhi ng pagkatalo sa kaso. Sigurado tuluyan na akong palalayasin ni A-Alvaro.”
“Huwag mong isipin yon, mabait si Master Alvaro hindi niya yon magagawa sayo.” hindi na sumagot si Janeth, pero alam niya talagang palalayasin na siya ni Alvaro kapag muling nagkamali.
“Tayo na!” tawag sa kanya ni Alvaro. Pero lumingon pa muna si Janeth kay Manang Lourdes. Tila humihingi ng suporta, agad naman siyang tinanguan nito.
“Wala kang ibang sasabihin sa harapan ng korte kundi katotohanan. Lahat ng nangyari sayo na kagagawan ni Ashyanna at Dinah, sabihin mo.” wika ni Alvaro.
“P
