Rhodora
Lumipas ang ilang linggo ng pananatili ko sa mga Montgomery. Noong una, aminado akong nangangapa pa ako—hindi lang sa trabaho kundi pati sa pakikisalamuha sa mga tao sa paligid ko. Lalo na sa mga babaeng empleyado, na sa tingin ko ay may paghanga kay Skyler. At hindi nila ito gaanong tinatago.
Ramdam ko noon ang pagiging iba ko—na parang wala ako sa lugar. Ako 'yung bagong salta, galing probinsya, walang karanasang tulad ng sa kanila. Kaya't hindi maiiwasang mapuno ako ng kaba at pagdududa sa sarili ko.
Pero habang lumilipas ang mga araw ay unti-unti kong natutunan ang takbo ng trabaho. Nasanay na ako sa mabilis na galaw ng opisina, sa mga paulit-ulit na tawag, e-mail, at schedules. Unti-unti ko ring nakilala ang mga kasama ko, at laking pasasalamat ko nang may ilan sa kanila an
