Rhodora
Una naming pinuntahan ang Montgomery Tower—isang moderno at napakatayog na gusali sa sentro ng Quezon City.
Sa unang tingin pa lang ay makikita mo na agad ang karangyaan at kapangyarihan ng pamilya Montgomery. Napalunok ako habang nakatingala sa mga salaming bintana nito na kumikislap sa sikat ng araw. Hindi ko akalain na makakapasok ako sa ganitong klaseng lugar—lalo pa't kasama ko ang mismong may-ari nito.
Ipinakita rin sa akin ni Skyler ang katabing gusali nito—isang malawak na istrukturang paikot hanggang likod, na mas mukhang compound kaysa simpleng building.
"That's the Selenah Garment Factory," aniya habang itinuturo ito.
Mula sa labas ay tanaw ko ang mga malalaking bintana, delivery bays, at ilang empleyadong abala sa gawain. Tahimik lang akong nakikinig habang ipin
