Rhodora
ALAS SINGKO pa lamang ng madaling araw kinabukasan ay nagising na ako. Agad na akong naligo at nag-ayos ng sarili.
Hindi ko alam kung anong oras lumipat ng silid niya si Skyler. Paggising ko ay wala na siya sa tabi ko, pero nakatulog ako kagabing kayakap siya. Nasabi rin niyang alas otso kami aalis ngayon. Pumasok na lamang daw ako sa silid niya para ayusin ang isusuot niyang damit.
Maganda ang umaga ko ngayon, at 'di ko mapigilang mapangiti.
Six thirty nang maisipan ko nang lumabas ng silid ko. Napakatahimik pa ng buong paligid. Nag-aalangan at nahihiya pa rin ako, pero kailangan kong pakalmahin at ipanatag ang sarili ko.
Naglakad na ako patungo sa silid ni Skyler.
Huminto ako sa tapat nito, pero nag-aalangan pa rin akong buksan ito. Gising na kaya siya? Baka masyado pan
