Rhodora
Sumama ako at mga kapatid ko patungong hospital. Kasama din namin sina Skyler at Kuya Shendrix. Naiwan naman sa bahay ang mga magulang nila at si Ate Emreign upang harapin ang mga pulis.
Naghintay kami sa hallway habang nasa loob ng operating room sina Papa at Mariel. Marami nang naubos na dugo sa kanila. Kanina pa ako nagdarasal na sana ay maging maayos ang kalagayan nila at mailigtas sila ng mga doctor.
Si Mama ay yakap ng mga kapatid ko na hanggang ngayo'y patuloy na umiiyak. Ako nama'y yakap din ni Skyler.
"Mariel! Mariel ko!"
Bigla kaming napalingon sa dulo ng hallway dahil sa malakas na sigaw na 'yon. Natanaw namin si Tita Liza, kasama ang ilang relatives nila na humahangos palapit sa amin. Wala si Tito Miguel.
"Ano'ng nangyari sa anak ko? Skyler, where is my daughter
