THIRD PERSON'S POV
Matapos isalaysay ni Bogart ang lahat ng nalalaman niya ay agad naghati ang team. Ang iba ay sinamahan si Bogart para kunin ang ebidensiyang itinatago nito sa kanilang bahay. Ang iba naman ay nagtungo sa mansyon ng yumaong lolo at lola ni Marcel.
Tinalon nina Skyler, Dixon at Lysander ang mataas na bakod para makapasok sa loob ng bakuran, sa likurang bahagi. Maingat silang nagkubli sa mga halamanan nang matanaw nila ang ilang tauhan ni Marcel na nag-uusap-usap sa gilid ng lumang garahe. Lima ka-tao sila.
Nakayukong naglakad sina Skyler, Dixon at Lysander patungo sa kaliwang bahagi ng mansyon. Dahil kabisado ni Skyler ang pasikot-sikot sa mansyon, siya ang nangunguna at hindi na nahirapan pang hanapin ang daan patungo sa basement.
Isang pababang hagdan ang bumungad
