“We distributed some flyers again. Okay na ba kayong lahat dito?” may pagmamadaling sabi ni Prince.
Tuloy-tuloy na pumasok silang dalawa ni Luigi rito sa loob ng café. Galing kasi sila sa labas at tulad nga noong sinabi nila, namigay ulit sila ng flyers sa mga taga-La Deita. Si Ellie ang kinakausap nila dahil siya ang nasa pinto. Sa mga lalaki ay sila pa lamang ang nandito. Pero sigurado ako na maya-maya lang ay darating na rin ang iba naming mga kasama. O baka ang iba ay naglilibot na sa ibang booths.
Mukhang wala akong pagkakataon na makalibot ngayon. Medyo malabo pa iyon sa ngayon dahil sa mga pinaggagawa nitong mga kasama ko. Hindi bale, babawi na lang ako sa mga susunod na araw. Pwede namang bukas, o kaya ay sa isa pang araw. Sana lang talaga maging successful kung ano
