Chapter Seventy-six
"Siya iyong nagbigay ng ayuda sa barangay hall, 'di ba?" nakaupo na si Colton sa sala. Habang para itong nililitis ng aking anak.
Kami ni Top ay nakaupo lang sa bakante pang upuan at nagmamasid lang. Nakikiramdam sa anak ko.
"Oo, Coby." Sagot ni Top sa bata.
"May pambigay ng ayuda, walang bahay?" ani nito na punong-puno pa rin ng kasarkastikuhan.
"Coby, galit ka ba?" tanong ko rito.
"Hindi, mama. Nagtatanong lang po ako. Kaso ang dami ko na pong tanong pero hindi n'ya sinasagot. Hindi porke pogi siya ay tatahimik na lang siya."
"Hi." Naglahad ng kamay si Colton sa anak ko. Pero tinignan lang iyon ni Coby, saka n'ya itinago ang kamay n'ya sa likuran din n'ya. "Ako si Colton Andreras."
"Gaya-gaya ka ng mukha, manong. Pero mas pogi pa rin ako sa 'yo."
"Oo
