NAGISING ako sa mahimbing kong pagkakatulog. Napasulyap ako sa paligid ko, walang taong nandito kung nasaan ako, tanging nakikita ko lamang ay puting pintura at isang machine sa gilid ko.
Nasaan ako?
Tinanggal ko ang nakalagay sa aking ilong na siyang pagkahabol ko sa aking hininga, para akong kinakapos sa aking paghinga. Kaya ni-relax ko ang aking sarili para muling dumaloy ang hininga ko sa aking ilong.
Napadilat ako nang may marinig na nahulog, napalingon ako sa aking gilid at doon ay nakita ko ang isang babae na nakaputing dress, nurse?
“Oh my!” Iyon lamang ang nasabi niya at mabilis na tumakbo palabas.
Napatanga na lamang ako nang makita ko ang reaksyon niya, para siyang nakakita ng patay na muling nabuhay.
Hindi ko na lamang siya inisip at tinanggal din ang nakalagay sa likod
