ISANG TAON ANG nakalipas...
Nakatanaw si Faith sa salamin habang nakaupo sa kama. Pinagmamasdan niya ang sarili niya habang wala sa sariling pinaglalandas ang mga daliri sa kalahating parte ng mukha niya. Sira na iyon. Pero iyong mata niya, hindi naman nadamay kaya nakakakita pa naman siya. Pero masakit lang dahil ganito na ang mukha niya. Isang taon na rin ang nakalipas nang mangyari ito sa kaniya. Para sa kaniya, hindi niya ikinakahiya na ganito siya. Minsan na siyang tinawag na pangit. At dahil nga sira ang mukha niya, nilalait siya. Pero imbes na pansinin, hinahayaan na lang niya ang mga ito dahil wala namang magagawa ang mga ito para maibalik ang mukhang inilagay lang din sa kaniya. Pero nagpapasalamat siya dahil buhay siya at nang dahil iyon sa isang tao na hindi niya naisip na tutu
