Part 12
“Magandang gabi po muli, ako si DJ Midnight at ang gabing ito ay tiyak na muli nating mamahalin at kapupulutan ng aral. Muli niyo po akong samahan sa isa na namang naiibang kwento ng pagmamahal na pupukaw sa ating mga damdamin.
“Ang mga paputok sa kalangitan ay may dalang saya sa ating mga mata, ngunit paminsan minsan ay may dala rin itong ibayong lungkot. Iyan ang aral na ibabahagi sa atin ng ating letter sender ngayong gabi,” ang mahinahon kong intro at dito ay pinatugtog ko ang themesong ng aking segment.
Dear Midnight,
Ako po ay fan ng iyong segment na ito, kaya naman hindi na ako nagdalawang isip na ibahagi ang aking kwento. Marami salamat po sa pagbibigay ng pagkakataon sa mga miyembro ngt bisexual community na kilalanin at bigyang ng pantay ng pagtingin katulad sa iba.
