Wala na sa tabi ko si Mateo nang magising ako. Agad kong kinuha ang telepono ko para tawagan siya. Gusto kong kumpirmahin kung talagang nakakulong na siya.
Nakahinga ako nang maluwag nang sagutin niya ang tawag.
“Hello, Mateo!” sabi ko.
“Ma’am Linda, ako po ang abogado ni Mr. Mateo Elgrego.”
“Ha? Nasaan siya? Puwede ko ba siyang makausap.”
“Nasa loob na siya ng kulungan at ngayon ay nilalakad ko ang motion for bail niya para pansamantalang makalaya siya.”
“Nakakulong na siya? Saan presinto? Puwede ko ba siyang dalawin.”
“Sa ibang araw na po, Ma’am Linda.”
“Okay, thank you,” pinutol ko ang tawag.
Umiyak ako nang umiyak pagkatapos kong kausapin ang abogado niya.
“Nakakulong na siya, hindi na siya uuwi dito.”
Maghapon akong nagkulong sa kuwarto at umiyak lang nang umiyak. Hindi ako
