“Alas-tres pa lang ng umaga ay gising na ako dahil naririnig ko ang pagdaing ni Jordan sa sakit ng kanyang mga sugat sa paa. Dahil wala akong pera para ipagamot siya o ibili ng gamot, kumuha na lang ako ng dahon ng bayabas at pinakulo ito. Pagkatapos, bumili ako ng pandesal at tinimplahan ko siya ng kape.
“Magandang umaga!” bati ko.
Nakaupo si Jordan sa sofa naming yari sa kawayan. “Good morning,” sagot niya.
Ngumiti ako sa kanya. “Kumain ka muna ng almusal bago kita paliguan.”
Tumango siya at pilit na tumayo.
“Huwag ka nang tumayo, maga pa ang mga sugat mo.” Iniabot ko sa kanya ang pandesal at kape.
“Linda, I’m sorry for adding to your worries.”
“Ayos lang, ang mahalaga gumaling ka.”
“You’re so kind. You know, many people passed by that place, but no one helped me.”
“Hindi rin na
