“Mahal, mabuti naman at hindi ka umalis,” wika ni Brent.
Bumalik na siya ng ospital kaya binantayan ko na siya.
Huminga ako ng malalim. “Brent, ano ba ang naalala mo?” tanong ko.
Sandali siyang nag-isip. “Ang naalala ko lang lagi tayong magkasama kahit sana tayo nagpunta. Nagpakasal tayo noong nag-aaral pa tayo.”
Ang naalala niya ay ang event namin sa school kung saan kami ang kinasal dahil hindi sumipot ang participant namin noon. Nakakalungkot pero iyon lang ang tanging naalala niya.
Ngumiti ako. “Magpahinga ka na.”
Hinawakan niya ang braso ko at tumingin sa akin. “Huwag mo akong iiwan.”
“Hindi kita iiwan.” Hinaplos ko ang buhok niya. Ilang segundo lang ay nakatulog na siya. Umepekto na kasi ang gamot na binigay sa kanya ng doktor.
“Ano kayang nangyaring trauma sa kanya?” wika n
