“MABUTI naman at wala ng problema sa inyong dalawa mag-asawa,” wika ng mommy ni Brent.
Pareho kaming dalawa nasa loob ng ICU para bisitahin si Brent. Hindi pa rin siya nagigising hanggang ngayon.
Ngumiti ako. “Hindi ko nga akalain na maintindihan niya ako. Akala ko magagalit siya sa akin.”
“Swerte ka sa asawa mo.”
“Tita, pasensya na kung hindi ko nagawang suklian ang pagmamahal ni Brent sa akin.”
Hinawakan niya ang kamay ko. “Wala kang kasalanan. At alam akong naintindihan ni Brent ‘yon.”
“Sana magising na siya.”
“Iyon din ang pinagdadasal ko. Sana magising na ang anak ko para makabalik na kami sa Amerika. Siguradong makaka-move on siya sa Amerika kung nandoon siya.”
Hinawakan ko ang palad ni Brent. “Gumising ka na Brent,” bulong ko.
“Sige na, umuwi ka na kanina pa naghihintay ang
