“ANONG ginagawa niya dito sa kuwarto ko?” bulong ko habang nakatingin kay Joseph na mahimbing na natutulog.
Kagabi ay iniwan ko siya sa sala para matulog. Ngunit nang magising ako ay katabi ko na siya.
“Humanda siya sa ‘kin mamaya.” Tumayo ako at kinuha ang tuwalya para maligo. Kung wala akong pasok sa kumpanya baka hinintay ko siyang magising.
Habang naliligo ako sa ay iniisip ko kung paano nakarating si Joseph sa kuwarto ko.
“Naiwan ko sigurong bukas ang pinto ng kuwarto kaya siya nakapasok.”
Sampung minuto akong naligo at paglabas ko ay tulog pa rin si Joseph. Dahil tulog siya hindi na ako lumabas para magbihis. Paglabas ko ng kuwarto ay dumiretso ako ng kusina para kumain ng tinapay at uminom ng kape. Madalas nagpiprito lang ako ng itlog sa airfryer habang gumagawa ng kape. Nguni
