REAGAN FAYE RODRIGUEZ
“Bansot, gising na. Alas onse na ng umaga pero hindi ka pa rin bumabangon diyan. Anong oras ka ba natapos sa pag-o-overtime kagabi?”
Nagising ang kaluluwa ko sa boses ni Dean pero ang katawan ko pa, ayaw makisabay. Gusto ko pang matulog. “Boss, sigurado ka bang ikaw na lang ang maglilinis ng sofa riyan sa balcony? You could have just called a cleaner!”
“No. Stay there.” Naririnig ko ng maayos ang mga boses nila.
Matutulog sana ako ulit pero may naramdaman akong mali sa katawan ko.
Nang sinubukan ko nang igalaw ang mga hita ko, nagising bigla ang diwa ko sa nananalaytay na sakit. Gumapang ang sensasyon na iyon mula paa, hanggang sa ulo ko.
Bakit yata buong katawan ko, nananakit?
“Bansot, magluluto muna ako ng agahan natin. Gumising ka na riyan.” Naririnig
