HABANG umiinom ng juice sa baso si Joanna ay hindi niya magawang alisin ang tingin kay Nash na kanina pa maaliwalas ang guwapong mukha.
“Kanina mo pa ako tinititigan,” anito nang salubungin ang tingin niya. “What are you thinking? Hindi ka naman siguro nabitin kanina,” naging mapanudyo ang ngiting sumilay sa labi nito na lalong nagpa-guwapo rito.
Ganoon na lang ang pag-iinit ng mga pisngi niya nang maalala ang nangyari sa hallway kanina. Ibinaba na niya sa lamesa ang baso at itinuon sa pagkain ang tingin. “Stop teasing, Nash. Nasa harapan tayo ng pagkain.”
Nangingiting itinuon ng muli ni Nash ang atensiyon sa pagkain.
Matapos kumain ay magkasama pa sila nitong pumunta sa may veranda na over looking ang dagat. Naupo siya sa sofa na yari sa ratan at tinanaw ang dagat. Naupo rin sa tabi n
