NAPAHINTO sa paglalakad si Joanna nang paglabas niya sa banyo ay makita niyang buhat-buhat ni Nash si Norielle. Hini-hele nito ang anak nila na nakayakap pa sa may leeg ni Nash ang mga kamay.
Nakagat niya ang ibabang-labi nang mamasa ang mga mata niya. Masyado siyang emosyonal sa tagpo na iyon. Nanatili lang siya sa kinatatayuan habang tahimik na pinapanood si Nash.
Kaya pala ganoon na lang ang gulat ng mga magulang ni Nash sa kaalamang anak nila si Norielle, iyon ay dahil hindi sinasabi ni Nathan sa mga ito na sila ang mga magulang ni Norielle. Kaya ipinagpalagay ng ina ng magkapatid na may naanakan si Nathan. Pero sa kabila niyon ay hindi mapalis ang tuwa sa mag-asawang Villa Franca dahil totoong apo ng mga ito si Norielle na agad napamahal sa mga ito.
“Mom love Norielle so much. Siya
