NAPANGIWI si Agatha dahil sa kirot na naramdaman niya sa kanyang ulo nang magising siya. Ilang beses din siyang kumurap-kurap dahil sobrang hapdi ng kanyang mga mata buhat ng kakulangan sa tulog. Hindi niya alam kung anong oras na siya nakatulog dahil sa kakaisip ng ginawa ng hinayupak na gobernador sa kanya. Isang oras kasi siya sa banyo para lang masigurong wala nang kahit na anong bahid ng suka ang katawan niya. At nang makatulog naman siya ay napanaginipan niya na sinukahan siya nito sa mukha niya mismo kaya hindi na rin siya nakatulog pang muli.
Gusto niyang magwala. Iritadong-iritado ang pakiramdam niya ngayon. Ang sakit pa ng likod niya dahil sa couch na siya natulog. Alangan naman na doon pa siya sa kwarto ng lalaki, eh, amoy suka roon at wala rin siyang planong linisin ‘yon. It w
