NAPATITIG na lang sa labas si Agatha mula sa bintana sa living room. Mag-a-alas diyes na ng gabi pero hindi pa rin nakakauwi sina Alfonso. Hindi naman sa nag-aalala siya rito o ano, pero wala kasi itong sinabi na matatagalan itong umuwi. Hindi niya rin alam kung ano ang gagawin niya dahil hindi rin naman ito sumagot sa text niya kanina nang tanungin niya kung anong oras ito posibleng makakauwi.
Wala na siyang ibang nagawa kundi ang lumabas ng mansyon at puntahan ang mga guwardiyang nagbabantay para itanong kung may alam ba sila kung nasaan si Alfonso sa mga oras na ‘to, pero maging ang mga ito ay walang alam kaya bumalik na lang siya sa loob.
“I guess he’s coming home late,” bulong niya sa sarili bago umakyat. Dumiretso na rin siya sa banyo para maligo dahil ramdam niya ang lagkit ng ka
