"HAHARAPIN kaya ako ni Gertrud kapag nalaman niyang gusto ko siyang makita, loves?"
Itinigil ni Angela ang paghaplos sa buhok ng asawa. "Tama ba ang narinig ko? Gusto mong makita ang aiti mo?" tanong din niya sa pag-aakalang namali lang siya ng pagkadinig.
Hedvig nodded. "Gusto ko siyang makita bago ako mamatay. Gusto ko kasing maliwanagan, at maintindihan ang lahat bago ko iwanan ang buhay ko ngayon." Natatawang umiling ang asawa niya. "Kung iyon ay gusto pa niya akong makita."
"Naniniwala ako, loves, na totoong mahal ka ni Gertrud. Dahil hindi siya magagalit nang ganoon kay Adolf kung ginusto ka niyang ipamigay. Kaya sigurado rin ako na matutuwa siya kapag nagkita kayo uli."
"Pero paano? 'Di ba ang sabi mo, simula nang ibigay niya ako kay Agwena ay umalis na siya ng Mettsa? At wala
