PAGKATAPOS na masahiin ni Angela si Hedvig ay nakatulog siya sa sofa dahil sa sobrang pagod. Ngunit nagtaka siya nang paggising niya ay nasa kuwarto na siya. Malinaw pa ang memory niya. At hindi niya maalalang lumipat siya roon.
Mabilis na pinakiramdaman ng dalaga ang sarili. Pero wala naman siyang naramdamang pagbabago o sakit sa kahit saang parte ng katawan niya. Walang bakas na pinagsamantalan siya. Kahit ang mga suot niyang damit ay maayos pa rin. Balot na balot pa nga ng comforter ang katawan niya.
Paano ako napunta rito? Inilipat ako rito ni Hedvig? Pero bakit?
Hindi pa man bumabangon sa higaan si Angela nang biglang bumukas ang pintuan ng kuwarto. Bumungad doon ang maaliwalas na mukha ng lalaki. Mukhang nasa mood yata. Pasipol-sipol pa ito.
"Mabuti naman at gising ka na," kaswa
