PAGKADATING na pagkadating nila sa cabin ay kaagad na dumiretso si Angela sa loob ng kuwarto. Ni-lock niya iyon. Wala siyang pakialam kung sinasabi man ni Hedvig na pag-aari nito ang kuwartong iyon.
Naghihimutok pa rin ang kalooban niya dahil walang magawa ang kapangyarihan niya para patayin o kahit saktan man lang ang lalaki.
Nakadapa sa kama si Angela nang maramdaman niyang bumukas ang pintuan. Mabilis siyang bumalikwas ng bangon at naghanda ng masamang tingin para kay Hedvig. Pero nang makita niya ito ay para naman siyang tangang natigilan habang nakatitig sa mukha nito. Bagong palit na ito ng damit. Fresh na fresh.
Nakakainis! Napakaguwapo kahit saang anggulo tingnan. Kung kasimpangit lang sana siya ng ibang mga Black Kampflen.
Napakislot si Angela nang bigla na lang magsalita a
