"Tamara right?" Nakangiting sabi sa kanya ng Mama ni Elijah nang maiwan sila nito sa may komedor. Nagtungo kasi sa library si Elijah sumunod sa Papa nito para doon mag usap.
Pansin niyang may kasungitan ang Papa ni Elijah. Marahil baka nabigla lang ito sa naging desisyon ni Elijah na siya ang pakasalan at hindi si Pauline. Natatakot nga siya na baka pinagagalitan si Elijah ng Papa nito ngayon. Sana na lang hindi mag away ang mag ama nang dahil sa kanya. Nakakakonsensya kasi pag ganon.
"Yes po," nahihiyang tugon niya.
"I'm Ella, Elijah's Mom," pakilala sa kanya ng magandang ginang. Nakangiti ito at alam niyang totoo ang ngiting nasa labi nito.
Sa nakikita niya sa Mama ni Elijah, mabait ito hindi katulad ng nakita niya sa Papa nito. Isama pang kahit may edad na ito eh napakaganda pa rin
