"Magpahinga ka na huwag mo na munang isipin si Joseph. Sa ngayon ligtas ka sa poder ko, hindi ka niya mapupuntahan rito," sabi niya kay Tamara matapos nitong humagulgol ng iyak. Alam niyang bata pa rin si Tamara, kaya takot na takot ito kay Joseph. Hindi pa ito makapag-isip ng maayos kung ano ang pwede nitong gawin para maprotektahan nito ang kanyang sarili.
"Are you sure na hindi malalaman ni Kuya na narito ako?" Tanong nito sa kanya nang sulyapan siya. Pulang-pula pa rin ang mga mata nito at namamaga pa pati ang ilong dahil sa pag iyak nito kanina. Ganoon napakaganda pa rin nito.
Hindi na naman nakaligtas sa kanya ang pagtawag nitong Kuya kay Joseph. Hindi deserve ni Joseph na galangin pa ni Tamara, matapos ang pagpapahamak nito sa dalaga.
"Hindi niya malalaman. Kung sakali mang malam
