Tatapusin na sana niya ang tawag nang biglang magsalita ang kanyang kuya Lauro, ang ama ni Alondra.
"Hendrick, maaari bang malaman kung kumusta na ang anak ko? Kumusta na ang lagay niya at maaari ko rin bang malaman ang dahilan kung bakit siya nakapagdesisyon ng gano'n?" narinig niyang wika ng papa ni Alondra.
Bakas sa boses nito ang pag-aalala kaya nagulat siya dahil kahit papano pala ay may pag-aalala pa rin ito sa sarili nitong anak.
"Nagbigti siya sa kanyang silid, naabutan namin siya sa bahay. Mabuti na lang may kaunting pulso pa siya kaya agad namin siyang naitakbo sa ospital. Hindi ko rin alam kung ano ang mangyayari sa kanya. Ilang oras na akong naghihintay dito sa labas ng emergency room pero hindi pa rin lumalabas ang mga doktor na nag-aasikaso sa kanya. Sobra na akong nag-a
