“MGA BASTOS kayo! Wala akong sira sa ulo!” bulalas nito at napapikit na nga lang sina Saber at Sandra nang may kung anong tumama sa kanilang mga sikmura nang oras na iyon. Sinuntok na pala sila ng matanda at napangiwi sila dahil masakit iyon. Kumawala nga ang malakas na hangin at isang malakas na pwersa ang tumagos sa katawan ng dalawa na naging dahilan para tumalsik sila palayo.
“Hindi ko nahuli ang galaw niya,” sabi naman ni Saber na kahit pa nagpakawala siya ng malakas na enerhiya ay wala pa rin daw iyong nangyari.
Malayo ang tinapunan nilang dalawa at nagpagulong-gulong pa nga sila sa lupa. Nakahiga na nga sila at makikitang nakatingin sa itaas habang medyo dama pa rin ang kirot sa mga tiyan nila.
“Nasa loob pala tayo ng isang bahay… Ito pala ang palasyo na hindi naman pala palasyo,
